فاروق فردا
ښکار
له دې ځنګله د چڼچڼو آوازونه راځي
ته نو د ښکار په پلمه
د ونو سیورو لاندې ولې له ټوپک سره ځی؟
ښکار د چڼچڼو په لیندیو کېږي.
مازیګر
مازیګر ستا په غوږ کې څه وویل؟
چې تا د ورېځو خواته مخ واړاوه
....
لا له سهاره د ماښام شمال زموږ دماشومانو اوربلونو سره لوبې کوی.
موږ پوهېدو چې د ماښام تورې لمنې
پر سرونو زموږ سېوری کړی
دمازیګر د اشارې نه برته
مېندو د کلي زموږ،
دځلمو ستورودسترګکو نندارې له پاره
لا غرمې نه پر بلیو خیژولي دی د خوب کټونه.
ښکاري
زموږ د کلي د مرغیو ډلې
له څو کلو راهیسې
دخپل ځانو د جنازې د لمانځه له پاره
په خپلو وینو اودسونه کړي
ته د ټوپک په خوله کې
د زېړو ګلو یو ډنډر کېږده چې
له ورایه و لیدل شی
څو دا را پاتې یو نیم هم چېرې ترورې نشي
فردا
مسکو- جولای ۲۰۰۸
بالا
بازگشت